UFC президенті бүгін түнде Шавкаттың жекпе-жегі бойынша мәлімдеме жасайды (ВИДЕО)
Бұл туралы Дана Уайт журналистің сұрағына жауап беріп жатқанда айтты.
UFC президенті Дана Уайт Шавкат Рахмоновтың желтоқсанда өтуі керек жекпе-жегі бойынша журналист сұрағына жауап берді. Бұл туралы «Спорт Шрёдингера» хабарлады.
Айта кетейік, әу баста қазақстандық файтер UFC чемпионы Белал Мұхаммедпен жұдырықтасуы керек-тін. Алайда америкалық спортшы аяғындағы инфекцияға байланысты жекпе-жектен бас тартты.
"Қазір UFC 309-ға басты назар аударылып жатқанын түсінемін. Бірақ Белал Мұхаммед UFC 310-ға қатыспайтын болғаннан кейін адамдар мейн-ивенттің тағдырын білуге тырысып бағуда. Шавкат басқа біреумен жекпе-жекке шыға ма, әлде Пантожа мен Асакура жұптасуы мүмкін бе?" - деп сұрады журналист.
"Ертең жариялаймыз! Бәрі керемет болады!", — деп жауап берді Уайт.
Яғни Уайттың анонсы Қазақстан уақытымен 16-шы қарашаға қараған түні жасалады.
Еске салайық, UFC 310 турнирі 8 желтоқсан күні Лас-Вегаста (АҚШ) өтеді.