Оның келесі жекпе-жегі қашан өтетіні әлі де белгісіз.
Кәсіпқой бокстан WBO және IBF нұсқалары бойынша әлем чемпионы Жәнібек Әлімханұлы өзінің келесі жекпе-жегіне қатысты жаңалықты күтумен жүр.
"Қазақ стилі" лақап атымен танымал Әлімханұлы әлеуметтік желідегі парақшасында: "Тағы бір апта өтті. Ал мен әлі күтіп жүрмін!", – деп жазды.
Айта кетейік, Жәнібек Әлімханұлының промоутерлері кәсіпқой рингте жеңіліп көрмеген британ боксшысы Хамза Ширазбен жекпе-жек өткізу туралы келіссөздер жүргізген болатын. Алайда тараптар ортақ келісімге келе алмады.
Енді жекпе-жек тағдыры 18 қарашада өтетін промоутерлік саудада шешілуі керек.
