UFC президенті Эр-Риядта өткен турнирді сынға алды
02.02.2025, 23:11
UFC президенті Дана Уайт Эр-Риядта (Сауд Арабиясы) өткен UFC Fight Night 250 турниріндегі Сергей Павлович пен Жаирзиньо Розенстрайк арасындағы жекпе-жек туралы пікір білдірді.
liveresult.ru
Бұл туралы championat.com жазады.
"Бұл сұмдық жекпе-жек болды. Шынында да сұмдық. Кештегі жалғыз айқас, жанкүйерлердің ысқырығына ұшыраған. Бірақ бұл Сергейдің мүмкіндіктерін жоққа шығармайды", – деді Дана Уайт баспасөз мәслихатында.
Кездесу толық үш раундқа созылып, төрешілер бірауыздан Павловичтің жеңісін тіркеді – 30-27, 30-27, 30-27.
Жекпе-жек өте сақ өтті. Екі файтер де үш раунд бойы бір-біріне сирек шабуыл жасап, айқын соққылар алмастырудан тартынды. Дегенмен әр раундта Павлович қарсыласын партерге түсіріп, бақылауда ұстай білді.