Жуырда Дубайдан жүрген қазақ жігіті аңыз футболшының иығына шапан жапқан болатын.
Дубайда аты аңызға айналған бразилиялық футболшы Роналдиньо қазақ халқының дәстүрлі шапанын иығына жауып, ерекше құрметке бөленді.
БАӘ-де жүрген қазақ жігіті танымал футболшыға ұлттық шапан жауып, құрмет көрсетті. Осылайша, әлем футболының аңызына айналған Роналдиньоға қазақ халқының ерекше ілтипаты көрсетілді.
Әлеуметтік желіге жарияланған видеода бразилиялық жұлдыз Қазақстанда бұрын болмағанын мойындады. Алайда еліміз жайлы естігенін айтып, қазақ халқы мен мәдениетіне жылы лебізін білдірді.
"Қазақстанда болмасам да, ол ел жайлы жақсы пікірлер естідім. Мұндай құрметке ие болғаныма қуаныштымын", – деді Роналдиньо.
Қазіргі таңда «Барселона» футбол клубының ресми елшісі ретінде әлемді аралап жүрген Роналдиньо қазақ шапанын ризашылықпен қабылдады. Ол шапан киген сәтінде жылы жымиып, үлкен құрмет көрсеткен жанға алғысын білдірді.
