Белгілі қазақстандық продюсер әрі актриса Баян Алагөзова тұңғышы Айсәуле Бақытбекті 29 жасымен құттықтап, отбасылық архивтен бұрын-соңды жарияланбаған суреттерін көпшілікке ұсынды. Бұл естелік жазба бірден әлеуметтік желі қолданушыларының жүрегін елжіретті.
Баян Алагөзова Instagram парақшасында жариялаған жазбасында қызының дүниеге келген күнін ерекше толқыныспен еске алды:
“Бәрі кеше болғандай… 29 жыл бұрынғы әрбір сәт есімде. Тоғыз ай бойы тоғыз рет "сохранениеге" жаттым. Сол күткен күн де келіп жетті – 22 мамыр. Сені алғаш кеудеме басқанда, сен жылап, мен бақыттан жылағаным – мен ана атандым!”
Продюсер ол кезде небәрі 22 жаста болғанын айтады. Алайда сол кездің өзінде ана болуға дайын екенін сезінгенін жасырмады.
“Сен сондай зерек, әдемі, қызыққұмар едің. Көздерің моншақтай жарқырап тұратын. Мен сені ең керемет дүкендерден киіндіргім келетін. Саған арналған көйлектер мен шашқа тағатын әшекейлер іздеп, мәз болып жүретінмін. Бақытты болу деген — осы шығар”, — деп жазды ол.
Уақыт қанша өтсе де, ананың жүрегіндегі перзентке деген махаббат өзгермейтіні тағы бір мәрте дәлелденді. Баян ханым қызына деген ілтипатын былай жеткізді:
“Сен мен үшін әлі де кішкентайсың, Айсаш. Көзің сол қалпы жарқырап тұрады. Ал шын мәнінде – сен өзіңе сенімді, ақылды, көрікті, табысты арусың. Тура журнал мұқабасынан түскендей!»
“Мен әрдайым сенің жаныңдамын. Менің махаббатым, мақтанышым, бақытым – сенсің! Әлішердің жанында бақытты бол! Туған күніңмен, менің Айсәулем!” – деп жазды продюсер жүрекжарды тілегін.
Баян Алагөзованың бұл жазбасына туған күн иесі де шынайы жауап қайтарды:
“Сүйемін сені, мамуля”, — деп жазды Айсәуле.
Желідегі оқырмандар бұл посттан ерекше әсер алып, жүрекжарды пікірлерін қалдырды:
