Динара Сәтжан мен Мөлдір Мұқанова әлеуметтік желі қолданушыларын көтеріңкі көңіл күймен қуантты. Олар Шакираның "Waka Waka" әніне билеп, желіні жарды.
Бұл ерекше сәт "Алтын Ханым" сұлулық байқауының финалы алдында болды. Байқауды танымал продюсер Баян Алагөзова ұйымдастырды. Динара мен Мөлдір кештің жүргізушілері ретінде қатысып, дайындығы кезінде гример бөлмесінде көңіл сергітті.
Екеуі де сәнді, әсем көйлектерімен бейнежазбаға түсті. Осылайша сахна алдындағы қобалжуды би арқылы жеңіп шыққандай әсер қалдырды.
Желі қолданушылары видеоға жылы пікірлер жазып, екі арудың сымбаты мен харизмасын жоғары бағалады:
Динара Сәтжан Instagram парақшасында: "Жұмысымды да, әріптестерімді де жақсы көремін", – деп жазып, Мөлдірдің алғаш рет кеш жүргізушісі ретінде сахнаға шыққанын атап өтті. Бұл оның медиа саласындағы жаңа қадамы болды.
