Қазақстандық танымал әнші Ерке Есмахан жақында үшінші сәбиін дүниеге әкелмек. Осы орайда ол Instagram парақшасында жаңа бейнежазба жариялады.
40 жастағы өнер иесі жүктіліктің соңғы айларында болса да, әлеуметтік желіде белсенді. Ол өз оқырмандарына отбасылық жылылық пен жайлы тіршілігін жиі көрсетіп отырады — балалар, сүйікті жары және отбасының күнделікті сәттері.
Соңғы жарияланған видеода Ерке көлік салонында отырып, терезе арқылы үлкен ұлы Мүсілімнің велосипедпен жүріп бара жатқан сәтін түсіріп алған. Айтуынша, Мүсілім қазір велосипед пен баскетболға қызығып жүрген көрінеді.
Ал Еркенің жары әнші RaiM ұлын бұл қызығушылығында толық қолдап жүр. Ол тек үлкен ұлды емес, отбасының әр мүшесін назардан тыс қалдырмайды.
Ерке Есмахан жарымен байланысты шағын әзілді жариялап, үйдегі жауапкершілігін ерекше атап өтті:
"RaiM кіші ұлымызды бассейнге апарады, ал келесі күні үлкен ұлымызды сол бассейнге дейін велосипедпен ертіп барады. Ал мені жыл сайын перзентханаға жеткізуді де ұмытпайды", — деп күле айтып өтті Ерке.
