Қарағандыға бағыт алған зейнеткер Шымкенттен жаяу шығып, он сағат бойы жол шетінде жүрген. Оның бұл әрекетіне қаржылық қиындық себеп болған.
Жол бойында жалғыз өзі шаршап келе жатқан қарияны жүргізуші байқап қалып, тоқтап мән-жайды сұрайды. Белгілі болғандай, зейнеткердің барлық есепшоты микрокредиттік ұйымдар алдындағы қарызы үшін бұғатталып, зейнетақысын бейтаныс адамдар иемденіп отырған.
"Оның жалғыз, көмек пен қаражатсыз жүргені жүректі ауыртады", – деді жүргізуші Нұржан Махамбетов.
Жолда тоқтаған жүргізуші жай адам емес, Түркістан облысының Әділет департаментінің басшысы болып шықты. Ол қарияны тыңдап қана қоймай, банк шоттарын қайта ашуға және заңды түрде зейнетақысын қайтаруға көмек көрсеткен.
"Адамдар өмірімізге кездейсоқ келмейді. Олар не біздің тағдырымызды өзгертеді, не біз олардікін өзгертеміз", – деді Махамбетов.
