Әнші Қайрат Нұртас әлеуметтік желідегі парақшасында жұбайы Жұлдыз Әбдукәрімоваға ерекше ықыласын білдірді. Ал актриса жақын күндері өміріндегі жақсы жаңалықты айтатынын жеткізді.
Қайрат Нұртас Instagram сторисінде жариялаған видеосында үстел үстінде тұрған екі тостағанды көрсетеді: бірі — құлпынайға, екіншісі — шиеге толы.
"О, жаным Жұлдыз, рахмет саған", – дейді бейнероликтегі Қайрат. Әншінің бұл сөзі жұбайының қамқорлығына риза болғанын байқатты.
Соңғы күндері Жұлдыз Әбдукәрімованың парақшасына жазылушылар оның желіден көрінбей кеткенін айтып уайымдаған. Алайда актриса оқырмандарын тыныштандырып, бәрі жақсы екенін айтты.
"Қазір мен тыныштық әлеміндемін және осы сәтпен рахаттанып жүрмін", – деп жазды ол.
Жұлдыздың айтуынша, ол жеке өміріндегі өзгерістерге байланысты желіден сәл үзіліс алған.
"Маған аздап әлеуметтік желіден алыстауға тура келді. Қуаныштымын, қазіргі сәтпен өмір сүріп жүрмін. Жақында өмірімдегі үлкен өзгерістермен бөлісемін. Сіздерге жақсы жаңалығым бар. Бірақ ол туралы 1000 пайыз сенімді болғанда ғана айтқым келеді", – деп жариялады актриса.
