Азияның үш дүркін чемпионы әлем чемпионатында қарсыласын талқандады
Алина Құдайгенова Черногорияның Будва қаласында 19 жасқа дейінгі боксшылар арасындағы әлем чемпионатында сенімді жеңіске жетті.
Қарсыласын нокдаунға түсірді
Қазақстандық боксшы 1/8 финалда бразилиялық Мейра Алвеспен қолғап түйістірді. Жекпе-жектің алғашқы секундтарынан-ақ Құдайгенова тізгінді өз қолына алып, қарсыласына қысым көрсетті. Бірінші раундта отандасымыздың дәл соққыларынан кейін бразилиялық боксшы нокдаунға түсті.
Нәтижесінде бес төрешінің барлығы алғашқы үшминуттықтағы басымдықты қазақстандыққа берді.
Үш раунд бойғы басымдық
Екінші раундта да Алина шабуыл қарқынын бәсеңдеткен жоқ. Ол қарсыласының әрекеттеріне тиімді жауап беріп, жекпе-жек барысын толық бақылауда ұстады. Төрешілер бұл кезеңде де Құдайгенованың басымдығын тіркеді.
Шешуші үшінші раундта айқастың сипаты өзгерген жоқ. Қазақстандық боксшы өзінің басымдығын сақтап, кездесуді сенімді түрде аяқтады.
Енді Құдайгенованы жартылай финалға шығу жолындағы маңызды кездесу күтіп тұр. Келесі жекпе-жектегі жеңіс оған әлем чемпионатының кемінде қола медалін қамтамасыз етеді.
Қазақстан U19