Қазақ эстрадасының жұлдызы Ерке Есмахан босанғаннан кейінгі жағдайын бөлісіп, тағы да сәби сүюді жоспарламайтынын ашық айтты.
Белгілі әнші Ерке Есмахан өзінің Instagram парақшасында өмірінің қазіргі кезеңі туралы шынайы пікірін білдірді. Ол жақында үшінші ұлын дүниеге әкеліп, босанғанына жиырма күннен асқанын хабарлады.
"Босанғаныма 20 күн өтті. Тағы біраз шыдасам, серуендеуді бастаймын деген жоспарым бар. Бірақ үйде де қарап отырған жоқпын: күнде массаж қабылдаймын, ағылшын тілі сабағына қатысамын, сериал көремін. Үйдегілер әр жақта жүр, ал кішкентайымыз менің жанымда", — деп жазды Ерке.
Желідегі оқырмандарының бірі әншіге: "Бір қыз туып алсаңыз ғой, өзіңізге ұқсас" деген тілек білдірген. Алайда Ерке бұған нақты әрі нық жауап қайырды:
"Мен қыз бала тууды жоспарламаймын. Осы шешімімді қабылдаңыздар. Үш ұлым үшін Аллаға сансыз шүкір етемін", — деді ол.
Көпшілік Еркенің ашықтығын жоғары бағалап, оған жылы лебіздерін білдіруде. Әсіресе аналық міндет пен өнер жолын қатар алып жүргеніне құрмет білдірушілер көп.
