Белгілі әнші Төреғали Төреәлі екінші ұлының тұсауын өз продюсері Жан Мұқановқа кестіріп, көпшіліктің назарына ілікті.
Бұл туралы журналист Айгүл Мүкей өзінің әлеуметтік желідегі парақшасында жариялады.
Төреғали видеода:
“Алланың қалауымен кенже баламның тұсауын кестіріп жатырмыз. Толқын екеуміз бұл міндетті Жан мырзаға сеніп тапсырдық. Бізде жалпақтау да, жағымпаздық та жоқ”, – деп атап өтті.
Айта кету керек, тұсау кесу рәсімі кезінде баланың микрофонды таңдауы да көпшілікке ерекше әсер қалдырды.
Көпшіліктің талқысына түскен негізгі мәселе – тұсаудың дастархан үстінде кесілуі. Әлеуметтік желі қолданушылары бұл жайтты ерсі санады:
“Бұлай дастархан үстінде тұсау кескенді алғаш рет көруім”, – дейді бірі.
“Тамақ ішетін жерге баланы шығарғаны қалай?!” – деп ашуын жасыра алмағандар да болды.
“Ұлыңыздың өмір жолы сәтті болсын!” – деп ақ тілектерін білдіргендер де бар.
Желі қолданушылары арасында қызу пікірталас тудырған осы бейнежазбадан кейін, көпшілік салт-дәстүр мен қазіргі шоу-бизнес арасындағы шекараның қай жерде бұзылып жатқанын сөз ете бастады. Бірі бұл — отбасының жеке таңдауы десе, енді бірі "дәстүрге салқын көзқарас" деп сынады.
