"Қайрат" ФК қақпашысы және Қазақстан құрамасының ойыншысы Темірлан Анарбеков жанкүйерлердің сүйіктісіне айналған сәтте-ақ оған қалыңдық табылды. Бұл жолы оның есімі танымал продюсер Баян Алагөзованың отбасымен байланысты аталды.
"Селтикке" қарсы жеңістен кейін қазақстандық желі қолданушылары арасында қызу талқылау басталды. Продюсер Баян Алагөзованың 21 жастағы қызы Айару әлеуметтік желілерде ерекше назарға ілікті. Оның әпкесі, блогер Айсәуле Бақытбек "Қайраттың" жеңісінен кейін қарындасына эмоциялық хабарлама жіберген:
"Айару, саған Темірлан Анарбеков керек, шұғыл…" – деп әзілдеп жазды ол.
Бұл хабарламаға желідегі оқырмандар түрліше реакция білдірді:
Кейбірі тіпті мұны шынайы бастама ретінде қабылдады.
Әзірге 21 жастағы дарынды қақпашының жеке өмірі жайлы ашық дерек жоқ. Дегенмен оның спорттағы ерлігі күллі елге мәлім болды.
2025 жылдың 27 тамызына қараған түні Алматының "Қайрат" клубы тарихта алғаш рет УЕФА Чемпиондар лигасының топтық кезеңіне шықты. Қазақстандық команда Шотландияның атақты "Селтигін" пенальти сериясында (3:2) жеңіп, сенсация жасады.
Жеңістің басты қаһарманы – Темірлан Анарбеков. Ол қарсыластың үш бірдей пенальтиін қайтарып, "Қайратқа" тарихи мүмкіндік сыйлады.
