Дағыстандағы әуесқой футбол матчы күтпеген жағдайға толы болды. Каспий жағалауындағы жер сілкінісі футбол матчының тікелей эфиріне түсіп қалды. Сол сәтте алаңдағы бір футболшы тепе-теңдігін сақтай алмай құлады.
Көріністер SHOT Telegram-арнасында жарияланды. Бейнежазбада камера қатты шайқалып, трибунадағы дірілді анық байқауға болады. Осы кезде алаңда ойнап жүрген футболшы жер сілкінісінен құлап түсті.
Ойынға тікелей эфир жүргізген комментатор эмоциясын жасыра алмай:
"Жер сілкінісі... бұл өте қатты жер сілкінісі болды" – деп, оқиғаны сезімге толы үнмен жеткізді.
Тіпті сілкініс кезінде дұға оқып үлгеріп, кейін жұмысын жалғастырды.
РИА Спорттың хабарлауынша, жағдай Дағыстандағы бір манежде болған. Әуесқой турнир аясында жергілікті "Магма" және "Азерпетрол" командалары кездескен. Жер сілкінісінен кейін де ойын тоқтаған жоқ. Афтершок кезінде құлаған футболшы қайта тұрып, матч соңына дейін жалғасты.
