Әнші Орталық стадионның қасындағы үйін сатпақ екен. Оның айтуынша, үйден алаңдағы ойын анық көрінеді.
Танымал қазақстандық әнші Серік Ибрагимов алматылық «Қайрат» пен испандық «Реал Мадрид» арасындағы тарихи ойын қарсаңында жанкүйерлерге ерекше мәлімдеме жасады.
«Алматылықтардың назарына! Орталық стадионның қасындағы үйімді сатамын. Біздің үйден стадиондағы ойынның бәрі анық көрінеді», – деп жазды әнші өзінің әлеуметтік желісінде.
Бұл жазба жанкүйерлер арасында қызу талқыланып, әзіл мен қолдауға толы пікірлерге себеп болды.
Еске сала кетейік, 28 тамыз күні Монакода өткен жеребе тарту рәсімінде «Қайраттың» қарсыластары белгілі болды. Қазақстандық клуб УЕФА Чемпиондар лигасының топтық кезеңінде әлемнің үздік командаларымен кездеседі.
Алматылық клубтың қарсыластары:
Сонымен қатар, «Қайрат» сырт алаңда мына алып клубтарға қонаққа барады:
Чемпиондар лигасының негізгі кезеңіндегі ойындар 16 қыркүйек пен 28 қаңтар аралығында өтеді. Жанкүйерлер Алматыда өтетін «Қайрат – Реал Мадрид» кездесуін ерекше тағатсыздана күтуде.
