Танымал әнші Макс Корж Алматының «Орталық» стадионында 6 қыркүйекте өтуі тиіс болған концертінің тоқтатылуына байланысты мәлімдеме жасады.
Әртістің айтуынша, ол бұл жағдайға қынжылғанымен Қазақстанға ешқандай реніш білдірмейді. Керісінше Корж Алматыда өнер көрсетуге мүмкіндік табуға тырысқан барлық жанкүйерлер мен қолдаушыларға алғысын жеткізді.
Өзінің әлеуметтік желідегі жазбасында ол Қазақстан халқы жайлы жылы пікір айтып, құрметін білдірді.
Алдын ала болжам бойынша, концерттің тоқтатылуына басты себеп – Алматының бас аренасындағы табиғи газонның жағдайына байланысты алаңдаушылық. Себебі бұл алаңда жақын уақытта тарихи ойын өтуі тиіс.
Еске сала кетсек, 2025 жылдың 30 қыркүйегінде «Орталық» стадионда Чемпиондар лигасының топтық кезеңіндегі маңызды кездесу өтеді. Алматының «Қайраты» әйгілі «Реал Мадридке» қарсы алаңға шығады.
