Продюсер Гүлзира Айдарбекова әлеуметтік желіде жаңа бейнежазба жариялап, өзіне айтылған сын пікірге жауап қатты.
Желі қолданушыларының бірі продюсердің әрекетіне наразылығын білдіріп:
«Өзіңді жарнамалай бермей, немереңнің тәрбиесіне көңіл бөлсеңші. Мектеп бітірмей жатып жүрісіне қарамайсың ба? Жасың да келген, орта жасқа келіп тайраңдағаның жараспайды», – деп жазған.
Ал Гүлзира Айдарбекова бұл пікірді назардан тыс қалдырмады.
«Немерелеріме тиіспе! Олар мен үшін — бірі ай, бірі күн. Ешкім сенен рұқсат сұрап өмір сүріп жүрген жоқ. Сенің өмірің маған қызық емес», – деп жауап берді продюсер.
Гүлзира ханымның бейнежазбасында ол жаңа көлігімен түскен сәттерін көрсеткен. Бұл жазба көпшіліктің арасында түрлі пікір туғызды. Бірі оны сән мен еңбектің жемісі десе, енді бірі тым көзге түсуге тырысты деп сын айтты.
