Ұжым тізгінін 48 жастағы еуропалық маман ұстады.
Астана қаласының «Жеңіс» футбол клубы ұжымның жаңа бас бапкерін ресми түрде жариялады. Команданың тізгінін украиналық маман Андрей Демченко ұстады.
48 жастағы украиналық маман Андрей Демченко ресми түрде астаналық команданың жаттықтырушысы қызметіне кірісті. Бұл туралы клубтың баспасөз қызметі арнайы мәлімдеме жасады:
«48 жастағы украиналық маман командамен жұмысын бастап кетті. Біз Андрей Демченконың тәжірибесі мен көзқарасы командаға көптен күткен жеңістерге жетуге және жаңа биіктерді бағындыруға көмектеседі деп сенеміз!», – делінген хабарламада.
Андрей Демченко — бұрынғы кәсіби футболшы және білікті жаттықтырушы. Ол Украина мен шетелде бірнеше клубпен жұмыс істеген. Демченконың тактикалық ойыны мен команданы бірлікке жұмылдыра білу қабілеті жоғары бағаланады.
