
Келесі турнир 2029 жылы өтеді, ал оны қабылдауға Бразилия, Испания, Қатар және Марокко үміткер.
2025 жылғы клубтар арасындағы әлем чемпионаты жаңа форматта алғаш рет өтіп жатыр. Енді бұл турнир жыл сайын емес, төрт жылда бір ұйымдастырылады. Яғни келесі жарыс 2029 жылы өтеді. Қазіргі таңда аталған турнирді төрт мемлекет қабылдауға ниет білдіріп отыр.
Бұған дейін жарысқа алты команда қатысса, енді бірден 32 клуб бақ сынап жатыр. Бұл ұлттық құрамалар арасындағы әлем чемпионатына ұқсас формат.
The Guardian басылымының мәліметінше, төрт мемлекет — Бразилия, Испания, Қатар және Марокко 2029 жылғы турнирді өткізуге кандидат ретінде қарастырылып отыр.