"Рома" (Италия) клубының шабуылшысы, Өзбекстан құрамасының көшбасшысы Эльдор Шомуродов енді мансабын Түркия чемпионатында жалғастырады.
Футболшы “Истанбул Башакшехир” клубына маусым соңына дейін жалға берілді. Бұл ақпаратты футбол инсайдері Николо Скира әлеуметтік желіде (бұрынғы Twitter – X) растады.
Шомуродовты жалға алу келісімінде міндетті түрде сатып алу құқығы қарастырылған. Егер келісімшарттағы белгілі бір талаптар орындалса, түрік клубы футболшыны €7 миллион еуроға (бонуспен бірге) толық сатып алуға міндетті болады.
2024/2025 жылғы маусымда 30 жастағы өзбекстандық шабуылшы:
А сериясында:
27 матч | 4 гол | 4 ассист
Еуропа Лигасында:
8 матч | 2 гол | 1 нәтижелі пас
Бұл көрсеткіштер Шомуродовтың әлі де жоғары деңгейдегі ойыншы екенін дәлелдейді.
