Испаниялық жартылай қорғаушы Нико Уильямс "Атлетик Бильбаомен" жаңа ұзақмерзімді келісімшартқа қол қойды.
Ойыншы жаңа келісімге сәйкес 2035 жылға дейін "Атлетик Бильбаода" өнер көрсетеді. Бұл уақытта Нико 32 жасқа толады.
"Ең бастысы — жүрегіңді тыңдау. Мен солай жасадым", — деді Уильямс келісімшарт жаңартылғаннан кейінгі алғашқы мәлімдемесінде.
Осылайша биылғы жазғы трансферлік терезеде үлкен қызығушылық тудырған ойыншының болашағы айқындалды. Әсіресе "Барселона" Никоны өз құрамына қосқысы келгені туралы көптеген ақпарат тараған еді.
Нико Уильямстың ағасы әрі командаласы Иняки Уильямс бауырының шешіміне пікір білдіріп, қуанышын жасырмады:
"Ол қалады", — деді Иняки қысқа ғана, бірақ нық сеніммен.
Бұл сөздер "Атлетик"жанкүйерлерінің көңіліне үміт ұялатты. Себебі ағайынды Уильямстар клубтың басты символына айналып үлгерді. Бұл шешім клубтың тұрақтылығы мен жанкүйерлер сенімін одан әрі күшейтпек.
