"Наполи" "Ливерпуль" шабуылшысы Дарвин Нуньеске қатысты нақты әрекет жасап отыр. Бұл ақпаратты танымал итальяндық инсайдер әрі журналист Джанлука Ди Марцио жариялады.
Ди Марционың мәліметінше, "Наполи" Нуньес үшін 50 миллион еуро және 5 миллион еуро көлеміндегі бонустарды ұсынды. Сонымен қатар клуб 26 жастағы уругвайлық футболшыға салықтан кейін маусымына 5–6 миллион еуро жалақы төлеуге дайын.
Британдық басылымдардың мәліметінше, ағылшындар Нуньесті кем дегенде 70 миллион фунт стерлингке (81 миллион еуроға) бағалап отыр. Бұл "Наполидің" ұсынысынан айтарлықтай жоғары сома.
Нуньес "Ливерпуль" сапында 2022 жылдан бері өнер көрсетіп келеді. Ол португалиялық "Бенфикадан" ауысып келген. Өткен маусымда барлық турнирде 54 матчта 18 гол соғып, 13 нәтижелі пас берген.
"Наполи" шабуыл шебін күшейту үшін жаңа ойыншы іздестіруде. Команда көшбасшысы Виктор Осимхеннің болашағы белгісіз күйде қалып отыр. Нигериялық шабуылшыға бірнеше еуропалық гранд қызығушылық танытып отыр. Егер Осимхен командадан кетсе, Нуньес оның орнын басатын негізгі үміткер болмақ.
