Қазақстан құрамасының тәжірибелі ойыншысы Серікжан Мужиков ресми түрде клубсыз қалды. "Елімай" ФК онымен келісімшартты мерзімінен бұрын бұзғанын мәлімдеді.
Семейліктердің ресми Instagram парақшасында жарияланған мәліметке сәйкес клуб пен Қазақстан құрамасының жартылай қорғаушысы Серікжан Мужиков екіжақты келісім негізінде қоштасу туралы шешім қабылдаған:
"Қазақстан құрамасының футболшысы, жартылай қорғаушы Серікжан Мужиков "Елімайдағы“ мансабын екіжақты келісіммен аяқтады. Ол семейлік клуб сапында 12 ресми кездесуде алаңға шықты", — делінген клуб хабарламасында.
Серікжан Мужиков «Елімайға» биыл ақпан айында «Жетісу» клубынан ауысып келген болатын. Бұған дейін ол «Тобыл», «Астана» және «Қайсар» сияқты қазақстандық клубтардың намысын қорғаған.
Биылғы маусымда семейліктер сапында 14 ойын өткізіп, 3 нәтижелі пас берген. Өз тәжірибесімен жастарға үлгі бола білді.
Қазақстан құрамасы сапында Мужиков 27 ойынға қатысып, 2 нәтижелі паспен көзге түсті. Ол ұлттық команданың маңызды матчтарында алаңға шықты.
