Алматылықтар Чемпиондар лигасының алғашқы іріктеу кезеңінде Словенияның "Олимпиясын" жеңіп, сенсацияға жол ашты.
Кездесудің алғашқы жартысында ойын тізгіні көбіне қонақтардың қолында болғанымен "Қайрат" қарсыластың қақпасына екі бірдей жауапсыз гол соғып үлгерді.
Алғашқы нәтижелі соққыны Жоржиньо баспен жасаса, екінші допты Александр Мрынский қорғаушымен жеке-дара шыққан сәтінде асқан шеберлікпен аяқтады.
Үзілістен кейін алматылықтар қорғанысқа көбірек көңіл бөлді. "Олимпия" қысым көрсеткенімен "Қайрат" қақпасына гол соғуға мүмкіндік бермеді. Нәтижесінде матч 2:0 есебімен аяқталып, Рафаэль Оразбахтиннің шәкірттері сенімді жеңіске жетті.
Чемпиондар лигасының екінші іріктеу кезеңінде "Қайрат»" Финляндияның "КуПС" және Молдованың "Милсами" арасындағы жеңімпазбен кездеседі. Бұл қос қарсылас та өз чемпионаттарының мықты ұжымдары қатарында.
