16 жастағы футболшы Ямаль мен Пелені артта қалдырды

Мексика ұлттық құрамасының жас жұлдызы Жилберто Мора КОНКАКАФ Алтын кубогының финалында алаңға шығып, тарихи жетістікке қол жеткізді. Ол құрамамен трофей жеңіп алған ең жас ойыншы атанды. Осылайша, испандық Ламин Ямалды артта қалдырды.

Мексика – 13 дүркін чемпион!

17 шілде күні өткен КОНКАКАФ Алтын кубогының финалында Мексика құрамасы АҚШ-ты жеңіп, тарихындағы 13-інші чемпиондығын тойлады. Бұл – Солтүстік және Орталық Америка футболындағы рекордтық нәтиже.

Жас батыр – Жилберто Мора

2008 жылы туған Жилберто Мора – финалдағы басты сенсациялардың бірі. Ол ұлттық құрама сапында чемпиондық титулға ие болып, футбол тарихында аты алтын әріппен жазылатын үштіктің көшін бастады:

Ең жас чемпиондар тізімі:

1. Жилберто Мора (Мексика) — 16 жас, 265 күн
2. Ламин Ямаль (Испания) — 17 жас, 1 күн
3. Пеле (Бразилия) — 17 жас, 249 күн

Тарих қайта жазылды

Бұған дейінгі рекорд Ламин Ямалға тиесілі болған. Ол Еуро-2024 финалында Испания құрамасымен чемпион атанғанда бар болғаны 17 жас, 1 күн болған еді. Ал Мора бұл көрсеткішті бірнеше айға ерте жаңартты.