"Наполи" Дания құрамасының шабуылшысы Расмус Хёйлундты "Манчестер Юнайтедтен" жалға алуға келісті.
Келісімшартқа сәйкес, егер неапольдік команда маусым соңында Чемпиондар лигасына жолдама алса, Хёйлундты толықтай сатып алу міндеттеледі. Айта кетерлігі, бұл шарт ойыншының "Наполи" сапындағы өткізген матчтарының санына тәуелді емес. Бұл туралы инсайдер Джанлука Ди Марцио хабарлады.
Бүгін қос тарап ресми келіссөздердің жаңа кезеңін өткізуі тиіс. Ал футболшының өзі "Манчестер Юнайтедтен" кетуге дайын екенін білдіріп, трансферді аяқтау үшін арнайы рұқсат күтуде.
"Наполи" Хёйлундты 30 тамыз күні "Кальяриге" қарсы өтетін кездесуде алаңға шығаруды жоспарлап отыр. Бұл трансфер неапольдіктердің шабуыл шебін күшейтуге бағытталған басты қадамдардың бірі саналады.
