"Қайрат" ФК капитаны Александр Мартынович алдағы Чемпиондар лигасының топтық кезеңінде "Ливерпульге" қарсы ойнауды армандайтынын жеткізді.
Тәжірибелі қорғаушы ағылшын ареналарындағы ерекше рухты ерекше атап өтті. Оның айтуынша "Энфилд" стадионындағы жанкүйерлердің қолдауы тек жергілікті клубқа емес, қарсыласқа да ерекше әсер қалдырады.
"Энфилдтің" атмосферасын сезінгім келеді. Бұл маған "Селтик Парктағы" жанкүйерлердің тоқтаусыз әндерін еске салады", – деді Мартынович ресейлік "Чемпионат" порталына берген сұхбатында.
Айта кетейік, алматылық клуб тарихында алғаш рет Чемпиондар лигасының негізгі кезеңіне жолдама алды. Команда бірінші себеттегі қарсыластардың бірімен кездеседі. Жеребе тарту рәсімі 28 тамызда сағат 21:00-де өтеді.
