Каталониялық "Барселона" футбол академиясы тарихында алғаш рет Әзербайжаннан келген ойыншыны қабылдады. 17 жастағы жартылай қорғаушы Ибрагим Бабаев испаниялық алпауытпен ресми келісімшартқа қол қойды.
Келісімшартқа қол қою салтанаты “Барселонаның” жасөспірімдер футболы директоры Жоан Солер мен академия жетекшісі Хосе Рамон Алексанконың қатысуымен өтті. Жас талант каталондық клубтың U-17 командасына қосылып, тарихта тұңғыш әзербайжандық футболшы ретінде академияға енді.
“Барселонаға” ауысар алдында Ибрагим Бабаев Швейцарияның “Серветт” клубының жастар командасында өнер көрсетті. Ол мұнда 25 матч өткізіп, 5 голдың авторы атанды.
Айта кетерлігі, Бабаев Әзербайжан U-17 құрамасында ойнайды. Сонымен қатар оның Швейцария азаматтығы да бар.
