27 жастағы қазақстандық қорғаушы, Мәскеудің «Динамо» клубының ойыншысы Бақтиер Зайнутдинов қыркүйектегі Қазақстан құрамасының матчтарына шақырылмады. Ол бұл уақытта клубта қалып, жарақатынан кейін қалпына келуді жалғастырады.
Мәскеулік клуб Қазақстан футбол федерациясын ресми түрде хабардар еткен. Ойыншы РПЛ-дың бесінші турындағы ЦСКА-ға қарсы матчта (1:3) алған бұлшықет жарақатынан кейін ем-дом қабылдап жатыр.
Егер оңалту шаралары жоспар бойынша жүрсе, Зайнутдинов «Спартакқа» қарсы дербиге үлгеруі мүмкін. Ол негізгі топтағы жаттығуларға келесі апта басында қосылуы ықтимал.
Зайнутдинов жазғы трансферлік кезеңде «Динамоға» ауысқан. Ол жаңа командасында әзірге 4 матчқа қатысып, нәтижелі әрекеттерімен көзге түсе қойған жоқ.
