Қазақстан жастар құрамасы (U-21) 2027 жылғы Еуропа чемпионатының іріктеу кезеңінде Англиямен кездесті. Ойын Ақтөбедегі Орталық стадионда өтті.
Ағылшындар алғашқы минуттардан-ақ ойын тізгінін өз қолына алды. 18-минутта Итан Нванери есеп ашса, араға бес минут салып, атақты футболшы Джоб Беллингем таблодағы көрсеткішті 0:2-ге жеткізді.
Қазақстан құрамасы бірінші тайм соңына қарай алға ұмтылып, бірнеше қауіпті сәттер ұйымдастырды. Дегенмен нақты соққы жетіспеді.
Ойынның екінші жартысында қазақстандық жастар тепе-тең ойын өрнегін көрсетті. Бірақ қарсыластың қорғанысын бұзып өту мүмкін болмады. Есеп өзгермей, матч 0:2 есебімен аяқталды.
Қазақстан U-21: Талыспаев, Мрынский, Асқаров, Кәрімов, Мырзағалиев, Нұрымбет, Жақсылық, Байдәулетов, Байбек, Труфанов, Бағдат.
Англия U-21: Бидл, Диблинг, Ачеампонг, Нортон-Каффи, Грей, Хиншелвуд, Нванери, Беллингем, Майли, Мубама, Гиттенс.
Қазақстан U-21 құрамасы келесі ойынын 9 қазанда Андорраға қарсы сырт алаңда өткізеді.
