Қазақстан құрамасының 2026 жылғы ӘЧ іріктеу ойындары алдындағы тізімінде «Қайрат» клубының екі ойыншысы – Дастан Сәтпаев пен Александр Мрынский болмай шықты.
Бұған дейін олардың жарақат алғаны туралы ақпарат тараған еді. Алайда бұл жағдайдың нақты себебі басқа.
«Серый CARDINAL» телеграм-арнасы бұл мәселе бойынша өз көзқарасын білдірді:
«Шамасы, басты себеп – чемпиондық үшін күрес. “Қайрат” екі негізгі ойыншысын ұлттық құраманың оқу-жаттығу жиынына жібермеген.
Клуб Сәтпаев пен Мрынскийді жоғалтып алу қаупінен қорқып отыр. Екеуі де команданың негізгі жүйеқұраушы ойыншылары.
Дастан – негізгі құрамда тұрақты ойнайды, ал Мрынский – жастар құрамасының өкілі. Ұлттық құрамада әлі дебют жасамаған.
Қалай болғанда да, алда Қазақстан құрамасын Лихтенштейн және Солтүстік Македонияға қарсы екі матч күтіп тұр. Бірақ олар турнирлік маңызға ие емес».
Қазақстан құрамасы қазан айында екі қарсыласпен ойнайды:
Бұл кездесулер іріктеу кестесіне әсер етпесе де, бас бапкер Талғат Байсұфинов үшін команда құрамын сынауға мүмкіндік болмақ.
Алматылық клуб әзірге бұл ақпаратқа қатысты ресми пікір білдірген жоқ. Алайда мамандардың айтуынша, маусым соңында чемпиондық үшін шешуші ойындар өтетіндіктен, клуб жетекшілері негізгі ойыншыларды жарақаттан қорғауға тырысқан болуы мүмкін.
