Еуропалық футбол қауымдастықтары одағы (УЕФА) Қазақстан құрамасының жартылай қорғаушысы Ғалымжан Кенжебектің Лихтенштейн қақпасына соққан екі голына ерекше назар аударды.
10 қазан күні Астанада өткен 2026 жылғы әлем чемпионатына іріктеу кезеңінде Қазақстан құрамасы қарсыласын 4:0 есебімен ойсырата жеңді. Кездесуде Кенжебек алыстан бағыттаған екі дәл соққысымен көзге түсіп, жанкүйерлердің сүйіктісіне айналды.
УЕФА-ның ресми X (бұрынғы Twitter) парақшасында қазақстандық футболшының екі алыстан соққан голы бейнеленген видео жарияланды. Видеоның астында былай деп жазылған:
«Ғалымжан Кенжебек: көшірмедей екі соққы».
Желі қолданушылары мен жанкүйерлер Кенжебектің шеберлігіне тәнті болып, оның ойын мәнерін жоғары бағалады.
