Өзбекстан құрамасының бұрынғы бас бапкері Сречко Катанецтің көмекшілері Өзбекстан футбол қауымдастығынан 350 мың еуро көлемінде өтемақы талап етпек.
Журналист Александр Троцкийдің дерегіне сүйенсек, Фабио Каннавароның келуі Өзбекстан құрамасына күн өткен сайын қымбатқа түсіп отыр. Катанецтің үш көмекшісі ФИФА жанындағы дау шешу палатасына шағым түсіруге дайындалып жатыр. Олар өздеріне тиесілі 350 мың еуро өтемақыны талап етуде.
Мамандардың бәрінде 2026 жылдың жазына дейінгі келісімшарт болған. Алайда Каннаваро мен оның жаңа штабымен бірге келгеннен кейін олар жұмысынан шеттетілген.
Оларға жастар құрамасымен жұмыс істеу ұсынылды, бірақ бұдан бас тартқан. Себебі олардың келісімшарты нақты ұлттық құрамаға арналған, әрі олар командамен бірге әлем чемпионатына жолдама алу кезеңінде жұмыс істеген.
Қай мамандар өтемақы талап етіп отырғаны нақтыланбады. Бірақ белгілі болғандай, Катанецтің штабында бес словениялық көмекші болған:
Журналистің айтуынша, кейбірімен есеп айырысты, кейбірімен — жоқ. Бірақ Каннавароның келуі ӨФҚ бұған дейін жұмсалған төрт миллион еуроның үстіне тағы да 350 мың қосуы мүмкін.
Айта кетсек, жақында итальяндық маман Фабио Каннаваро Өзбекстан ұлттық құрамасының бас бапкері болып тағайындалған. Бұған дейін бұл қызметті уақытша Тимур Кападзе атқарған еді. Ол Катанецтің денсаулығына байланысты кеткеннен кейін команданы уақытша басқарған болатын.
