«Қайсар» трансфер терезесінде белсенді қадамға дайын.
Клуб 35 жастағы тәжірибелі қорғаушы Александр Марочкинді қайта қатарға қосуды жоспарлап отыр деп жазады Aladop. Ол соңғы үш маусымды «Астана» құрамында өткізіп, биыл 18 матчқа қатысып, 2 гол соққан.
Марочкин — Қазақстан ұлттық құрамасының ұзақ жылдар бойы негізгі ойыншыларының бірі. Ол құрама сапында 50 матч өткізіп, наурыз айында Лихтенштейн қақпасына гол соққаннан кейін ұлттық деңгейдегі карьерасын аяқтағанын ресми мәлімдеген.
Тәжірибелі қорғаушы 2018–2020 жылдары «Қайсар» сапында ойнап үлгерген. Сол себепті клуб пен ойыншы арасындағы байланыс ұзаққа созылған және жақсы деңгейде болғаны айтылады.
