Қазақстан құрамасының форварды Айбар Жақсылықов жаңа маусымды семейлік «Елімай» қатарында бастайды. Клубтың баспасөз қызметі отандық шабуылшының ресми түрде командаға қосылғанын хабарлады.
28 жастағы Жақсылықов өткен маусымда ҚПЛ-де жарқыраған ойыншылардың бірі болды. Ол «Қайсар» сапында 51 кездесуге қатысып, 15 мәрте гол соқты.
Оған дейін шабуылшы «Жетісу», «Тобыл» және «Ордабасы» клубтарында өнер көрсеткен.
Осы жетістіктердің барлығы Айбардың тәжірибелі әрі сенімді форвард екенін дәлелдейді.
Өткен маусымда Премьер-лигада 4-орынға ие болған «Елімай» тарихында алғаш рет еурокубок бәсекесіне жолдама алды. Семейлік команда 2025 жылғы маусымда УЕФА Конференциялар лигасының квалификациясында бақ сынайды.
