«Ақтөбе» жапониялық қорғаушыдан айырылып қалды: футболшы «Бунедкорда» ойнай береді.
«Ақтөбемен» келіссөз жүргізіп жатқан 28 жастағы сол қаптал қорғаушысы Ицуки Урата мансабын Өзбекстанда жалғастыра бермек, деп хабарлайды ASnews.kz.
Жапон ойыншысы бірнеше апта бұрын «Ақтөбеге» ауысуға жақын болған еді, бірақ қазір жағдай мүлдем өзгеріп кетті. Бұл қазақстандық клубтағы басшылықтың ауысқанына байланысты емес:
«Ицуки «Бунедкордан» жаңа ұсыныс күтті және олар футболшының талаптарын орындады. Сондықтан «Ақтөбеге» ештеңе тәуелді болмады», – деді ойыншының агенті Виталий Ридлевич.
«Ақ-қызылдар» бұл позицияда ойнайтын Богдан Вэтэжелудың да болашағын айқындамады: қорғаушы ҚПЛ-дың басқа командасына ауысуға дайын екенін мәлімдеді, себебі оның қазіргі келісімшарты желтоқсанда аяқталады.
Урата өткен маусымда 20 ойынға қатысып, 4 гол соқты. Ташкентке келмес бұрын ол «Заря», «Вараждин» және «Марибор» сапында ойнады.
