Естеріңізге салсақ, Аргентина 2022 ӘЧ жеңген еді.
Аргентина құрамасының бас бапкері Лионель Скалони команда шабуылшысы Лионель Мессидің 2026 жылғы әлем чемпионатына қатысу мүмкіндігі туралы пікір білдірді.
«Ол өзі шешеді — бара ма, жоқ па. Қалай болғанда да, біз оның шешімін қолдаймыз. Барлығы жақсы жүріп жатыр, бірақ алты ай — үлкен уақыт. Біз ол өзі және құрамамыз үшін ең дұрыс шешім қабылдайды деп үміттенеміз», — деп келтіреді Скалонидің сөзін Джанлука Ди Марцио өз сайтында.
Аргентина құрамасы J тобына түсті. Бұл топта олар Австрия, Алжир және Иордания құрамаларымен кездеседі.
2026 жылғы әлем чемпионаты келесі жазда АҚШ, Канада және Мексика аумағында өтеді.
