Қостанайдың «Тобыл» ФК Қазақстан құрамасының жартылай қорғаушысы Александр Зуевпен келісімшарттың ұзартылғанын ресми түрде хабарлады.
Қостанайлық ұжым әлеуметтік желідегі парақшасында ойыншының команданы әрі қарай да қорғайтынын нақтылап өтті:
«Александр Зуев бізбен бірге! Қостанай футбол мектебінің түлегі туған клубында қалып, “Тобылдың” намысын қорғауды жалғастырады», — делінген клуб жариялаған жазбада.
Клуб келтірген дерек бойынша, өткен маусымда Зуев Қазақстан Премьер-Лигасында 24 матчқа қатысып:
Ал барлық турнирді қоса есептегенде, жартылай қорғаушы «Тобыл» сапында 29 ойын өткізіп, 6 гол және 4 ассист көрсеткішін тіркеген.
Сондай-ақ Александр Зуев 2025 жылы Қазақстан құрамасы сапында бір матч өткізді. Ол әлем чемпионаты–2026 іріктеуінде Солтүстік Македонияға қарсы кездесуге қатысып, бұл ойын қазақстандықтардың 0:1 есебімен жеңілісімен аяқталған еді.
