Португалия құрамасының экс-жұлдызы әрі "Манчестер Юнайтедтің" бұрынғы ойыншысы Луиш Нани "Ақтөбе" сапында мансабын қайта жалғастыруы мүмкін.
Келісімшарттың қаржылық бөлігіне қатысты бейресми ақпарат тарады:
Match.kz мәліметі бойынша, экс-МЮ ойыншысы Қазақстанда айына 70 мың еуро көлемінде табыс табуы ықтимал.
Алдын ала ақпаратқа сүйенсек, футболшы 22 қаңтарда Алматыға ұшып келеді. Одан кейін Ақтөбеге жол тартып, онда ойыншының ресми таныстырылымы өтеді деп күтілуде.
Луиш Нанидің "Ақтөбеге" келуі ҚПЛ-дегі ең көп талқыланатын трансферлердің біріне айналуы мүмкін. Егер бейресми дерек расталса, португалиялық легионердің айлығы Қазақстан футболы үшін өте жоғары деңгейдегі келісімдердің қатарына енеді.
