Аргентиналық жұлдыз тағы да шешуші сәтте командасын алға сүйреп, "Интер Майамиге" АҚШ-тың MLS чемпионатында маңызды жеңіс алып берді.
“Интер Майами” MLS тұрақты маусымының кезекті турында сырт алаңда “Ди Си Юнайтедті” 2:1 есебімен ұтты.
Қонақтар сапында алғашқы голды Родриго Де Пауль 17-минутта соқты. Ал араға он минут салып Лионель Месси есеп айырмасын ұлғайтып, матч тағдырын шешкен гол авторларының бірі атанды.
Алаң иелері сапынан жалғыз голды Тай Барибо 75-минутта соғып, интриганы қайтаруға тырысқанымен, матч соңына дейін есеп өзгермеді.
Месиидің командасы үш турдан кейін 6 ұпай жинап, Шығыс конференциясында төртінші орынға көтерілді. Ал “Ди Си Юнайтед” 3 ұпаймен сегізінші сатыда тұр.
“Интер Майами” MLS аясындағы келесі ойынын 15 наурыз күні сырт алаңда “Шарлоттқа” қарсы өткізеді. Ал дәл осы күні “Ди Си Юнайтед” қонақта «Чикаго Файрмен” күш сынасады.
