Әйелдер құрамасы рейтингте 16 орынға көтерілді
Халықаралық футбол федерациясы (ФИФА) әйелдер ұлттық құрамаларының жаңартылған рейтингін жариялады.
Қазақстан ТОП-100 қатарына енді
Жаңартылған тізімде Қазақстан құрамасы айтарлықтай прогресс көрсетті. Команда жалпы 1203.95 ұпай жинап, 113-тен 97-орынға көтерілді.
Рейтингтегі серпіліс 2027 жылғы әлем чемпионатының іріктеу кезеңіндегі ойындармен байланысты. Бегайым Қырғызбаеваның басшылығымен команда Арменияны 3:0 және Беларусьті 1:0 есебімен жеңді. Іріктеу турнирінде Қазақстан құрамасы С6-тобындағы командалар арасында қазір екінші орында тұр.
Рейтинг көшбасшылары
Құрамалар арасында үздік үштік өзгеріссіз қалды:
- Испания - 2083.09
- АҚШ - 2054.65
- Англия - 2038.72
Алғашқы ондыққа сондай-ақ Германия, Жапония, Бразилия, Франция, Швеция, Канада және Нидерланды құрамалары кірді. Көршілес Өзбекстан 53 (1472.13) , ал Қырғызстан 1048.29 ұпаймен 143 орынға тұрақтаған.
Пікірлер
Пікір қалдыру уақытша жабық.
Әзірге пікір жоқ. Бірінші болыңыз.