Қазақстан Еуро-2026 1/8 финалында Әзербайжаннан жеңіліп қалды
Тартысты ойын 3:2 есебімен Әзербайжан құрамасының пайдасына шешілді.
Қазақстан құрамасы шағын футболдан Еуропа чемпионатындағы жолын аяқтады.
Жуырда Братиславадағы "Типос Аренада" 1/8 финал матчы өтіп, Қазақстан құрамасы Әзербайжанмен кездескен болатын. Тартысты ойын 3:2 есебімен Әзербайжан құрамасының пайдасына шешілді.
Қазақстан камбэк жасауға тырысты
Кездесуді Әзербайжан құрамасы белсенді бастады. 2-минутта Раван Каримов есеп ашып, қарсыласын алға шығарды. Көп ұзамай, 7-минутта Иса Атаев екінші голды соғып, есепті 2:0-ге жеткізді.
Қазақстан құрамасы тез ес жиып, 8-минутта Оспан Райымбек есеп айырмасын қысқартты. Осылайша алғашқы таймда отандастарымыз ойынға қайта оралуға мүмкіндік алды.
Райымбектің дублі жеңіске жеткізбеді
Екінші таймда Әзербайжан тағы бір гол соқты. 28-минутта Мухаммед Халилов мергендігімен көзге түсіп, есепті 3:1 етті.
Осы жеңістен кейін Әзербайжан құрамасы Еуро-2026 турнирінің ширек финалына жолдама алды. Келесі кезеңде олар Чехия құрамасымен кездеседі.