"Әл-Наср" ойыншысы Талиска Түркияға аттануы мүмкін. Бұл туралы инсайдер Фабрицио Романо әлеуметтік желіде жазды.
Ойыншыны Жозе Моуриньо баптайтын “Фенербахче” өз қатарында көргісі келеді. Ыстамбұлдық клуб трансферді қыста жүзеге асырмақ.
Талиска Сауд Арабиясының биылғы чемпионатында 10 матч өткізді. Футболшы 6 нәтижелі соққы жасады.
30 жастағы жартылай қорғаушы 2016-2018 жылдары “Бешікташ” сапында өнер көрсеткен.
