Қазақстан құрамасының бұрынғы ойыншысы Ұлан Қонысбаев "Тараз" футбол клубының спорт директоры атанды.
Бұл туралы “Kommentator_Maulen” телеграм-арнасы жазады.
Қазақстан ұлттық құрамасының экс-ойыншысы Ұлан Қонысбаев “Тараз” командасының спорт директоры лауазымына тағайындалды.
Жамбыл футбол мектебінің түлегі 2006-2010 жылдар аралығында “Жамбыл” және “Тараз” клубтарында өнер көрсетті. Сонымен қатар оның мансабында “Астана”, “Шахтер”, “Қайрат”, “Атырау”, “Ақтөбе” және “Оқжетпес” командалары болды.
Қонысбаев қарағандының “Шахтер” сапында Қазақстан чемпионы, “Астанамен” бірге Қазақстан кубогы және екі рет Қазақстан Суперкубогының иегері болып табылады.
