44 жастағы Әли Әлиев футболдан Қазақстан құрамасының тізгінін ұстады.
Бұл туралы Legalbet.kz тілшісіне ұлттық құраманың экс-шабуылшысы Тимур Сисенов мәлімдеді.
“Жаңа ғана жігіттерден естідім, Әли Әлиев ұлттық құраманың бас бапкері болады”, — деді Сисенов.
ҚФФ 27 қаңтарда ресейлік Станислав Черчесовты Қазақстан құрамасының бас бапкері қызметінен босатқан.
Әлиев “Қызылжар”, қарағандының “Шахтёр”, “Астана-Жас” және “Жеңіс” футбол клубтарын жаттықтырды.
2025 жылдың қаңтарында “Қызылжардан” кеткен болатын. Петропавлдық ұжым 2024 жылы ҚПЛ-ды тоғызыншы орынмен аяқтады.
