Бейжіңде хоккейден Азия чемпионатында Қазақстан құрамасы Қытайды ірі есеппен ұтып, турнирдегі екінші жеңісіне жетті.
Алғашқы турда Кореяны ұтқан қазақстандық хоккейшілер екінші ойында да қарқынын бәсеңдеткен жоқ. Бүгін ұлттық құрама Қытайды 5:1 есебімен тізе бүктірді.
Қазақстан сапында Бағдат Мұратов дубль жасаса, Марлен Мусоров, Сергей Александров және Артур Гатиятов бір шайбадан соқты.
Бүгін өткен параллельді кездесуде Корея құрамасы күтпеген жерден Жапонияны 1:0 есебімен жеңді. Осы нәтиженің арқасында Қазақстан құрамасы үшін маңызды мүмкіндіктің есігі ашылды.
Азия чемпионы атағын қорғау үшін енді ертең Жапониядан негізгі уақытта ұтылмау жеткілікті.
