Қазақстан спорты неге әлемдік аренада тұрақты нәтиже көрсете алмай отыр? Блогер әрі спорт саласының бұрынғы функционері Әділ Дүшекенов бұл сұраққа ашық жауап берді.
Қазақстандық блогер әрі спорт саласындағы бұрынғы басшы Әділ Дүшекенов еліміздегі спорт жүйесінің басты проблемаларын атап өтті. Ол Threads платформасындағы жазбасында неге Қазақстан әлемдік ареналарда тұрақты жетістікке жете алмай отырғанын ашық жазды. Бұл туралы Offside.kz хабарлады.
«Біздің елде әлі күнге дейін спортшының ең қарапайым қажеттіліктері толық қамтамасыз етілмеген», — деп жазды Дүшекенов.
Әлеуметтік желідегі пікірлерге сүйенсек, қазақстандық спорттың тұралауына әсер ететін бірнеше нақты фактор бар:
Қаржылық қиындықтар және ата-аналардың сенімсіздігі
Көп ата-ана баласын спортқа беруге құлықсыз. Себебі жабдық, жаттығу, жарысқа бару — бәрі ақылы, ал төмен табысты отбасылар үшін бұл қолжетімсіз.
Жастар арасында мотивация жетіспеушілігі
Жаттығу кестесі қиын, тәртіп қатаң. Жастар шыдамсыздық танытып, спортта ұзақ қалмайды.
Жүйедегі жемқорлық
Бір комментатор былай деп жазған:
«Спорт деген — талантты адамдарға арналған әлеуметтік лифт. Бірақ бізде ол тек "керек адамдарға" жұмыс істейтін лифтке айналған.»
Инфрақұрылым тек ірі қалаларда
Ауыл-аймақтарда спорт мектептері жоқтың қасы. Балалар спортқа қол жеткізе алмай отыр.
Мемлекеттік басымдықтар спорттан тыс салаға бағытталған
Ресми деңгейде спортқа стратегиялық емес, тек формалды қолдау көрсетіледі.
Бұрынғы спорт жүйесін еске алған қолданушылар:
«35 жыл бұрын кез келген бала тегін спорт мектебіне бара алатын. Жаттықтырушылар солардың арасынан үздіктерді іріктейтін.
Дүшекенов пен желідегі пікір қалдырушылардың басым бөлігі реформа қажет екенін айтады:
Қаржыландыру ашық, әділ болуы тиіс
Ауыл-аймақтарға спорт инфрақұрылымы тартылуы қажет
Жемқорлықпен күрес – басты шарт
Спортқа жалпыға қолжетімділік қалпына келуі керек
