Семейлік мұғалім америкалық қарсыласын бір шапалақпен "ұйықтатып" тастады (ВИДЕО)

Қазақстандық спортшы, Семей қаласының тұрғыны Закир Найманбаев АҚШ-та өткен Power Slap 14 турнирінде көзтартарлық жеңіске жетті. Ол америкалық Купер Хауслиді бір соққымен нокаутқа түсіріп, жанкүйерлердің ыстық ықыласына ие болды.

Бір соққы – бір нокаут

31 жастағы Закир Найманбаев Power Slap 14 турнирінде америкалық Купер Хауслимен кездесіп, алғашқы раундта-ақ жекпе-жекті аяқтады. Жеребеге сәйкес, бірінші болып Хаусли соққы жасаған. Бірақ Найманбаев қарсыласын сабырмен қарсы алып, жауап ретінде бір соққымен қарсыласын нокаутқа жіберді.

Бұл жеңіс қазақстандық спортшының Power Slap аясындағы үшінші кездесуі болды.

Power Slap-тағы жетістіктері

• Қаңтар 2024 – Абу-Дабиде Троэль Нильсенді нокаутқа түсіріп, $10 000 бонус ұтып алды;
• Маусым 2024 – Брайс Джонсонды нокаутқа түсіргенімен, ережені бұзғаны үшін жекпе-жек нәтижесі жойылды;
• Шілде 2024 – Купер Хауслиді бір соққымен нокаутқа жіберіп, жанкүйерлер ықыласына бөленді.

Мұғалім, кәсіпкер және спортшы

Закир Найманбаев Семей қаласында дене шынықтыру пәнінің мұғалімі болып жұмыс істейді. Сонымен қатар ол шағын отбасылық кәсіпті жүргізіп, спорттық мансабын қатар алып келеді.