Бибісара Асаубаеваның Лас-Вегастағы жетістігі әлемді дүр сілкіндірді

Батумиде тарихи шешім қабылданды

Грузияның Батуми қаласында өткен Халықаралық шахмат федерациясының (FIDE) кеңес отырысында 10 жаңа гроссмейстердің атағы ресми түрде бекітілді. Олардың қатарында қазақстандық Бибісара Асаубаева да бар.

Ол Қазақстан тарихындағы екінші ресми әйел гроссмейстер (біріншісі — Жансая Әбдімәлік) және әлемдегі гроссмейстер атанған 43-ші шахматшы әйел атанды.

Freestyle Chess Grand Slam — Бибісараның жаңа белесі

FIDE шешімінен кейін Бибісара әлемнің элиталық турнирлерінің бірі — Freestyle Chess Grand Slam-2025 додасына қатысты. Жарыс АҚШ-тың Лас-Вегас қаласында өтті.

Бұл — жабық форматта өткен, әлемнің үздік шахматшылары қатысқан турнир. Қатысушылар қатарында:

• Магнус Карлсен
• Фабиано Каруана
• Хикару Накамура және басқа да супергроссмейстерлер болды.

Әйелдер арасындағы тарихи жетістік

Бибісара — әлем тарихында ерлермен бір турнирге қатысқан үшінші әйел шахматшы. Бұған дейін мұндай құрметке:

• Юдит Полгар (Венгрия)
• Хоу Ифань (Қытай) ғана ие болған.