Бахрейнде өтіп жатқан жасөспірімдер арасындағы Азия ойындарында қазақстандық спортшылар ел қоржынына тағы бір алтын медаль салды.
44 келіге дейінгі салмақ дәрежесінде сынға түскен Айым Серікбаева Азия ойындарының финалында вьетнамдық Хуэн Хоаннан 2:0 есебімен басым түсіп, сенімді жеңіске жетті. Ол финалда жылдамдық пен дәлдікті үйлестіре отырып, қарсыласын толық басымдықпен жеңіп шықты.
Бұған дейін Қазақстан командасы велоспорттан алтын медаль жеңіп алып, турнирдегі алғашқы жеңісін тіркеген еді. Енді Серікбаеваның жеңісімен ел қоржынында екінші алтын пайда болды.
Екінші алтыннан кейін Қазақстан құрамасы жалпы медаль кестесінде алтыншы орынға көтерілді.
Қазіргі нәтиже:
Турнирдің көшбасшысы — Қытай (9 алтын, 11 күміс, 3 қола), екінші орында — Тайланд (7–2–3), үшінші орында — Өзбекстан (6–2–4).
Жас спортшылар арасындағы бұл ойындар Азияның жаңа жұлдыздарын танытатын маңызды дода саналады. Қазақстан спортшылары алдағы күндері тағы бірнеше спорт түрінен жүлдеге таласады.
